મુંબઇઃ મહારાષ્ટ્રમાં પણ શિવસેના સાંસદ સંજય રાઉત, કોંગ્રેસના પ્રદેશ અધ્યક્ષ નાના પટોળે, મંત્રી ગુલાબરાવ પાટિલ બાદ હવે ભાજપના નેતા હર્ષવર્ધન પાટિલના ઘરે પણ લગ્નની તૈયારીઓ જોર શોરથી ચાલુ છે.
પૂર્વ સહકારિતા મંત્રી હર્ષવર્ધન પાટિલની પુત્રી અંકિતા પાટિલ ઠાકરે પરિવારની વહુ બનવા જઈ રહી છે. 28 ડિસેમ્બરના રોજ મુંબઈની તાજ હોટલમાં લગ્ન થશે. ઠાકરે પરિવારના એડવોકેટ નિહાર ઠાકરે અને અંકિતા પાટિલ લગ્નના તાંતણે બંધાશે.
નોંધનીય છે કે અંકિતા પાટિલ હાલ પુણે જિલ્લા પરિષદની સભ્ય છે અને ઈન્ડિયન શુગર મિલ્સ એસોસિએશનની ડાઈરેક્ટર પણ છે. નિહાર શિવસેના પ્રમુખ બાળાસાહેબ ઠાકરેના દિવંગત પુત્ર બિન્દુ માધવ ઠાકરેના પુત્ર છે. તેઓ મુંબઈમાં એડવોકેટ તરીકે કામ કરે છે. મહારાષ્ટ્રના મુખ્યમંત્રી ઉદ્ધવ ઠાકરે અને મનસે પ્રમુખ રાજ ઠાકરે પણ કાકા થાય.