spot_img

એક્ટ્રેસ શ્રદ્ધા કપૂરનો ભાઇ પોલીસ કસ્ટડીમાં, રેવ પાર્ટીમાં ડ્રગ્સ લેવાનો આરોપ

બેંગલુરુ: બૉલીવુડ અભિનેત્રી શ્રદ્ધા કપૂરના ભાઈ સિદ્ધાંત કપૂરને રવિવારે રાત્રે બેંગલુરુની એક હોટલમાં રેવ પાર્ટીમાં પોલીસના દરોડા દરમિયાન અટકાયતમાં લેવામાં આવ્યો છે. બેંગ્લોર પોલીસના જણાવ્યા અનુસાર, તે કથિત રીતે ડ્રગ્સનું સેવન કરનારા 6 લોકોમાં સામેલ છે. ગુપ્ત માહિતીના આધારે પોલીસે એમજી રોડ પર આવેલી એક હોટલમાં દરોડો પાડ્યો હતો. પોલીસના જણાવ્યા અનુસાર અહીં રેવ પાર્ટી ચાલી રહી હતી.

પોલીસના દરોડા બાદ રેવ પાર્ટીમાં ડ્રગ્સની આશંકાના આધારે કેટલાક લોકોના સેમ્પલ ટેસ્ટ માટે લેબમાં મોકલવામાં આવ્યા હતા. ડો.ભીમાશંકર એસ. ગુલેદ, ડીસીપી, ઇસ્ટ ડિવિઝન, બેંગલુરુ સિટીએ જણાવ્યું હતું કે મેડિકલ રિપોર્ટમાં જે 6 લોકોએ ડ્રગ્સનું સેવન કર્યું હોવાની પુષ્ટિ થઈ હતી, તેમાંથી એક સેમ્પલ અભિનેત્રી શ્રદ્ધા કપૂરના ભાઈ સિદ્ધાંત કપૂરનો હતો. પોલીસના જણાવ્યા અનુસાર, એ સ્પષ્ટ નથી થયું કે આ લોકો ડ્રગ્સનું સેવન કરીને પાર્ટીમાં પહેલાથી જ પહોંચ્યા હતા કે પછી હોટેલમાં તેનું સેવન કર્યું હતું. આ કેસમાં બેંગ્લોર પોલીસ તમામ 6 આરોપીઓને ઉલસુરુ પોલીસ સ્ટેશન લઈ ગઈ હતી.

અભિનેતા સુશાંત સિંહ રાજપૂતના મૃત્યુના સંબંધમાં નાર્કોટિક્સ કંટ્રોલ બ્યુરો દ્વારા પૂછપરછ કરવામાં આવેલી અભિનેત્રી શ્રદ્ધા કપૂર પણ સામેલ હતી. શ્રદ્ધા અને સુશાંત ફિલ્મ છિછોરે સાથે જોવા મળ્યા હતા. મીડિયા રિપોર્ટ્સમાં કહેવામાં આવ્યું છે કે, શ્રધ્ધા કપૂર લોનાવાલા સ્થિત સુશાંત સિંહ રાજપૂતના ફાર્મ હાઉસમાં પાર્ટીમાં હાજરી આપવા માટે ઘણી વખત આવી હતી. તેણે પણ એનસીબીની પૂછપરછ દરમિયાન પાર્ટીમાં હાજરી આપવાની કબૂલાત કરી હતી, પરંતુ ડ્રગ્સ સાથે કોઈ સંબંધ હોવાનો ઇનકાર કર્યો હતો. આ કેસમાં NCBને પણ કોઈ નક્કર પુરાવા મળ્યા નથી.

સિદ્ધાંત કપૂરે ઘણી ફિલ્મો અને વેબ સિરીઝમાં કામ કર્યું છે

સિદ્ધાંત કપૂર અભિનયની દુનિયા સાથે પણ જોડાયેલો છે, જોકે તેની એક્ટિંગ કરિયર અત્યાર સુધી ફ્લોપ રહી છે. તેણે ‘શૂટઆઉટ એટ વડાલા’થી ફિલ્મોમાં ડેબ્યુ કર્યું હતું. આ ફિલ્મમાં અનિલ કપૂર, કંગના રનૌત અને જોન અબ્રાહમ મુખ્ય ભૂમિકામાં હતા. આ પછી, તે અનુરાગ કશ્યપ દ્વારા નિર્દેશિત મનોવૈજ્ઞાનિક થ્રિલર ફિલ્મ ‘અગ્લી’માં જોવા મળ્યો હતો. સિદ્ધાંતે તેની બહેન શ્રદ્ધા કપૂર સાથે પણ સ્ક્રીન શેર કરી છે. બંને ફિલ્મ ‘હસીના પારકર’માં સાથે જોવા મળ્યા હતા. આ ફિલ્મમાં શ્રદ્ધાએ દાઉદની બહેનનો રોલ કર્યો હતો, સિદ્ધાંત અંડરવર્લ્ડ ડોન દાઉદના રોલમાં જોવા મળ્યો હતો. સિદ્ધાંત ‘ચેહરે’ ફિલ્મમાં પણ હતો. આ સિવાય તેણે ‘ભૌકાલ’ નામની વેબ સિરીઝમાં પણ કામ કર્યું છે.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles