spot_img

કોંગ્રેસમાં એક પરિવારમાંથી એક ટિકીટ પણ ગાંધી પરિવાર પર નિયમ લાગુ નહી

આગામી વિધાનસભાની ચુંટણીઓ પહેલાં કોંગ્રેસ ટિકીટ વહેંચણીને લઈને મોટા પાયે બદલાવની તૈયારી કરી રહી છે. કોંગ્રેસે પણ હવે નક્કી કર્યુ છે કે હવે એક પરિવારમાંથી ફક્ત એક જ વ્યક્તિને ટિકીટ મળશે. ઉદયપુરની ચિંતન શિબિરમાં સંગઠન બદલાવ અને રાજનીતિક મામલે બનાવાયેલી પૈનલે આ સિફારીશ કરી છે.

કોંગ્રેસના રાદસ્થાનના પ્રભારી મહાસચિવ અજય માકને ઉદયપુરમાં મીડિયા સાથે વાતચીતમાં કહ્યુ કે અમારી પૈનલમાં ચર્ચા થઈ કે એક પરિવારમાંથી એક જ ટિકીટના ફોર્મ્યુલાને લાગુ કરવામાં આવે. જેને પણ ટીકિટ આપવામાં આવે તેણે ઓછામાં ઓછા પાંચ વર્ષ પાર્ટીમાં કામ કર્યુ હોવુ જોઈએ. સીધી રીતે કોઈને પણ ટિકીટ આપવામાં નહી આવે. ઉપરાંત નવા આવનારા નેતાઓને પણ ટિકીટ નહી મળે. પરંતુ આ તમામ નિયમોમાંથી ગાંધી પરિવારને છુટછાટ આપવામાં આવશે. ગાંધી પરિવાર પર આ ફોરમ્યુલા લાગુ નહી થાય.

અજય માકને એ પણ કહ્યુ કે પાર્ટીમાં સતત પાંચ વર્ષ કામ કર્યા બાદ કોઈ વ્યક્તિને બીજુ પદ પણ ન આપવામાં આવે. ઓછામાં ઓછા ત્રણ વર્ષ કુલિંગ પિરિયડ હોય. ત્રણ વર્ષની ગેપ બાદ જ આગામી બે વર્ષમાં તેમણે કોઈ પદ આપવામાં આવે. જો કોઈ કોંગ્રેસના નેતાનો દિકરો અથવા તો બીજા નેતા ટિકીટ લેવા માંગતો હોય તો એને ઓછામાં ઓછા પાંચ વર્ષ કોંગ્રેસના સંગઠનમાં કામ કરવુ પડશે. કોંગ્રેસમાં પાંચ વર્ષથી વધુ સમય કોઈ પદ પર ન રહેવાના નિયમ લાગુ થવાથી અડધાથી વધુ નેતાઓ બહાર થઈ જશે. નેતાઓના દિકરા હશે તો પણ તેમણે પાંચ વર્ષ કોંગ્રેસમાં કામ કરશે પછી જ ટિકીટ મળશે. અજય માકને સ્પષ્ટ રીતે કહ્યુ કે આ તમામ નિયમો ગાંધી
પરિવાર પર લાગુ નહી પડે. ગાંધી પરિવાર પર એક પરિવાર એક ટિકીટ પણ લાગુ નહી પડે.

જો કે કોંગ્રેસના નેતાના પરિવારના બીજા સભ્યોને ટિકીટ ત્યારે જ આપવામાં આવસે જ્યારે તેઓ કોંગ્રેસમાં સતત પાંચ વર્ષ સુધી એક્ટિવ રહેશે. જો કોઈ નવો સભ્ય કોંગ્રેસમાં આવે તો તેને પહેલાં સંગઠનમાં પાંચ વર્ષ સુધી કામ કરવું પડશે. ત્યારબાદ જ તેને ટિકિટ મળશે. એ પણ નક્કી કરવામાં આવ્યુ છે કે અન્ય પક્ષમાંથી આવનારા નેતાઓને ટિકિટ ન મળે તેમણે પણ સંગઠનમાં પાંચ વર્ષ સુધી કામ કરવુ પડશે પછી તેમને ટિકીટ મલસે.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles