સાઉથ અમેરિકાના ઇક્વાડોરમાં લોકો ત્યારે હેરાન રહી ગયા જ્યારે એક ગ્રુપે પોતાના દોસ્તના મૃતદેહને લઇને બાઇક પર ફરતા જોવા મળ્યા હતા. આ ગ્રુપે દોસ્તના મૃતદેહને કબરમાંથી નિકાળ્યો અને બાઇક પર મુકી અને રસ્તા પર નિકળી પડ્યા હતા.
‘ડેલી મેલ’ના રિપોર્ટ પ્રમાણે 21 વર્ષિય એરિક સડેનો નામના યુવકનું થોડા દિવસો પહેલાં જ મોત નિપજ્યું હતું. ત્યારે એરિકના દોસ્તો તેની અંતિમ વિધી પર જઇ શક્યા નહોતા. તેમના મિત્રોનું કહેવું છે કે મૃતક એરિક સડેનોને બાઇક રાઇડ ખૂબ જ પસંદ હતી. આ જ માટે તેના મિત્રોએ તેની લાશને કબરમાંથી બહાર કાઢી અને બાઇક પર રાઇડ કરાવવા માટે લઇ ગયા હતા. આ બાઇક રાઇડ માટે તેના મિત્રોએ એરિકના પરિવારની પરમીશન લીધી હતી અને ત્યારબાદ એરિકના શબને બાઇક રાઇડ કરાવી હતી. આ દરમિયાન ત્યાં ઉપસ્થિત લોકોએ વીડિયો અને ફોટો ઉતાર્યા હતા.
‘ડેલી મેલ’ના રિપોર્ટ પ્રમાણે રોડ પર લગભગ સાત લોકોનું એક ગ્રુપ બાઇક લાશને લઇને નિકળ્યું હતું. જેમાં એક બાઇક પર ત્રણ લોકો બેઠા હતા અને વચ્ચે એરિકનો મૃતદેહ મુક્યો હતો. આ મિત્રોનું ગ્રુપ તેના મૃતક મિત્રની અંતિમ ઇચ્છાપૂર્ણ કરતા હતા. આ મિત્રોએ મૃતક એરિકના કબર પર દારૂનો છંટકાવ કર્યો હતો અને ત્યારબાદ તેના મૃતદેહને બાઇકની રાઇડ કરાવવી હતી.