spot_img

આઝાદીના 75 વર્ષ પુરા થવા પર ભારત અને અન્ય દેશો વચ્ચે ક્રિકેટ મેચ રમાડવા માંગે છે સરકાર, BCCIને મોકલ્યો પ્રસ્તાવ

ભારત સરકાર દેશની આઝાદીના 75 વર્ષની ઉજવણી માટે 22 ઓગસ્ટે ભારત અને બાકીના વિશ્વ વચ્ચે ક્રિકેટ મેચનું આયોજન કરવા માંગે છે. સરકારે આ માટે ભારતીય ક્રિકેટ બોર્ડ (BCCI)ને પ્રસ્તાવ મોકલ્યો છે. સાંસ્કૃતિક મંત્રાલયે આ પ્રસ્તાવ બીસીસીઆઈને મોકલ્યો છે. મંત્રાલય ‘આઝાદી કા અમૃત’ ઉત્સવ અભિયાનના ભાગરૂપે આ મેચમાં ભારતીય ખેલાડીઓ અને લોકપ્રિય વિદેશી ક્રિકેટરોને રમાડવા માટે બોર્ડના અધિકારીઓ સાથે વાત કરી રહ્યું છે.

દરખાસ્ત પર ચર્ચા

બીસીસીઆઈના સૂત્રોના જણાવ્યા અનુસાર આ સમયે આ પ્રસ્તાવ પર ચર્ચા થઈ રહી છે. એક સૂત્રએ જણાવ્યું કે અમને સરકાર તરફથી ભારત 11 અને વર્લ્ડ 11 વચ્ચે 22 ઓગસ્ટે ક્રિકેટ મેચનું આયોજન કરવાનો પ્રસ્તાવ મળ્યો છે. વર્લ્ડ 11 માટે અમને ઓછામાં ઓછા 13 થી 14 ખેલાડીઓની જરૂર પડશે, તેથી અમારે તેમની ઉપલબ્ધતા વિશે જાણવું પડશે.

બીસીસીઆઈના સૂત્રોએ જણાવ્યું કે આ દરમિયાન ઈંગ્લિશ ડોમેસ્ટિક ક્રિકેટ પણ ચાલશે અને કેરેબિયન પ્રીમિયર લીગ પણ શરૂ થશે. જ્યાં સુધી આંતરરાષ્ટ્રીય ક્રિકેટરોની સેવાઓનો સવાલ છે, બીસીસીઆઈના ટોચના અધિકારીઓ આઈસીસીની વાર્ષિક કોન્ફરન્સ (જુલાઈ 22-26) માટે બર્મિંગહામમાં હશે જ્યાં તેઓ તેમના કેટલાક ખેલાડીઓને ભારતમાં મેચો માટે છોડવા માટે અન્ય બોર્ડ સાથે વાત કરી શકે છે.

આ ખેલાડીઓ ઉપલબ્ધ રહેશે

સૂત્રોના જણાવ્યા અનુસાર ભારતીય પ્લેઈંગ 11 બનાવવું વધુ મુશ્કેલ નહીં હોય. ઝિમ્બાબ્વે સામેની ત્રણ મેચની વનડે શ્રેણી 20 ઓગસ્ટે સમાપ્ત થશે. જો આ શ્રેણીના કેટલાક ખેલાડીઓ 22 ઓગસ્ટે જ આવે છે, તો તેઓ મેચ માટે ઉપલબ્ધ રહેશે નહીં. જોકે, કેટલાક ભારતીય ખેલાડીઓ ઝિમ્બાબ્વે પ્રવાસ પર જશે નહીં. જેમાં વિરાટ કોહલી, રોહિત શર્મા અને ઋષભ પંત વગેરેનો સમાવેશ થાય છે. આવી સ્થિતિમાં આ ખેલાડીઓ 22 ઓગસ્ટે ઉપલબ્ધ રહેશે.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles