spot_img

IND vs ENG Test Match Team India Squad: ઇગ્લેન્ડ વિરુદ્ધ ટેસ્ટ માટે પૂજારાની ટીમમાં વાપસી, આ છે આખી ટીમ

દક્ષિણ આફ્રિકા સામેની પાંચ મેચની T20 શ્રેણી અને ઈંગ્લેન્ડ સામેની એક ટેસ્ટ મેચ માટે ભારતીય ટીમની જાહેરાત કરવામાં આવી છે. ચેતેશ્વર પુજારા અને શુભમન ગિલ રોહિત શર્માની આગેવાની હેઠળની ટેસ્ટ ટીમમાં પરત ફર્યા છે. આ સાથે જ પ્રસિદ્ધ કૃષ્ણાને પણ ટેસ્ટ ટીમમાં સામેલ કરવામાં આવ્યો છે.

ટેસ્ટ ટીમ

રોહિત શર્મા (કેપ્ટન), કેએલ રાહુલ (વીસી), શુભમન ગિલ, વિરાટ કોહલી, શ્રેયસ ઐયર, હનુમા વિહારી, ચેતેશ્વર પૂજારા, ઋષભ પંત, કેએસ ભરત, રવિન્દ્ર જાડેજા, રવિચંદ્રન અશ્વિન, શાર્દુલ ઠાકુર , મોહમ્મદ શમી, જસપ્રીત બુમરાહ, મોહમ્મદ સિરાજ, ઉમેશ યાદવ, પ્રસિદ્ધ કૃષ્ણા.

પૂજારાની મહેનત રંગ લાવી

ચેતેશ્વર પૂજારાને શ્રીલંકા સામેની બે ટેસ્ટ મેચની ઘરઆંગણે શ્રેણી માટે ટીમમાંથી બહાર કરવામાં આવ્યો હતો પરંતુ તેણે કાઉન્ટી ક્રિકેટમાં શાનદાર પ્રદર્શન કર્યા બાદ થોડા મહિનામાં જ ટેસ્ટ ટીમમાં પુનરાગમન કર્યું હતું. સસેક્સ તરફથી રમતી વખતે પૂજારાએ શાનદાર પ્રદર્શન કર્યું છે. પૂજારાએ 8 ઇનિંગ્સમાં 120.00ની સરેરાશથી 720 રન બનાવ્યા, જેમાં બે બેવડી સદીનો સમાવેશ થાય છે. ઇંગ્લેન્ડ સામેની ટેસ્ટ મેચમાં પૂજારાનો અનુભવ ટીમને ઘણો કામમાં આવી શકે છે. પૂજારા ત્રીજા નંબર પર બેટિંગ કરે તેવી શક્યતા છે.

IPLમાં પ્રસિદ્ધ કૃષ્ણાનું શાનદાર પ્રદર્શન

આઈપીએલની વર્તમાન સિઝનમાં પોતાના શાનદાર પ્રદર્શનને કારણે ફાસ્ટ બોલર કૃષ્ણાને  ટેસ્ટ ટીમમાં જગ્યા બનાવી લીધી છે. કૃષ્ણાએ 14 મેચમાં 29.93ની એવરેજથી 15 વિકેટ લીધી છે. IPL 2022ની મેગા ઓક્શનમાં પ્રસિદ્ધ કૃષ્ણાને રાજસ્થાન રોયલ્સે 10 કરોડ રૂપિયામાં ખરીદ્યો હતો. કૃષ્ણાને ગયા વર્ષે પણ ભારતીય ટેસ્ટ ટીમમાં સામેલ કરવામાં આવ્યો હતો, જોકે તે સમયે તેને ડેબ્યૂ કરવાની તક મળી ન હતી.

કેએસ ભરત બેક-અપ વિકેટકીપર

કેએસ ભરતને ટેસ્ટ ટીમમાં રિષભ પંતના બેક-અપ વિકેટકીપર તરીકે સ્થાન આપવામાં આવ્યું છે. બીજી તરફ, જસપ્રિત બુમરાહ, મોહમ્મદ શમી, ઉમેશ યાદવ, મોહમ્મદ સિરાજ અને પ્રસિદ્ધ કૃષ્ણા ઝડપી બોલિંગમાં વિકલ્પો છે. જ્યારે રવિચંદ્રન અશ્વિન અને રવિન્દ્ર જાડેજા સ્પિન વિભાગ સંભાળશે. ઓપનર શુભમન ગિલની પણ ટીમમાં વાપસી થઈ છે, જેણે ગયા વર્ષે ન્યૂઝીલેન્ડ સામે તેની છેલ્લી ટેસ્ટ મેચ રમી હતી.

જુલાઈમાં ટેસ્ટ મેચ રમાશે

ટીમ ઈન્ડિયા જુલાઈમાં ઈંગ્લેન્ડ વિરુદ્ધ 5 મેચની ટેસ્ટ શ્રેણીની છેલ્લી મેચ રમશે. ઉલ્લેખનીય છે કે, ગયા વર્ષે ઈંગ્લેન્ડના પ્રવાસ પર ભારતીય ટીમ કોવિડ-19ના કેસને કારણે છેલ્લી ટેસ્ટ મેચ રમી શકી ન હતી. આ સીરીઝની નિર્ણાયક મેચ બનવા જઈ રહી છે કારણ કે ટીમ ઈન્ડિયા હાલમાં ચાર ટેસ્ટ મેચ બાદ 2-1થી આગળ છે.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles