નવી દિલ્હીઃ ટીમ ઈન્ડિયાએ ભારત અને પાકિસ્તાન વચ્ચે રમાયેલી એશિયન ચેમ્પિયન્સ ટ્રોફીની મેચ 3-1થી જીતી લીધી છે. ભારત માટે બે ગોલ કરનાર હરમનપ્રીત સિંહને મેન ઓફ ધ મેચ જાહેર કરવામાં આવ્યો હતો. આ જીત સાથે ભારતના 7 પોઈન્ટ થઈ ગયા છે. મેચના પહેલા અને ચોથા ક્વાર્ટરમાં ભારત માટે હરમનપ્રીત સિંહે બે શાનદાર ગોલ કર્યા હતા.
પહેલા ક્વાર્ટરમાં ભારત 1-0થી આગળ હતું. બીજા ક્વાર્ટરમાં પણ ભારતીય ટીમ ગોલ કરવા માટે સતત આક્રમણ કરી રહી હતી, પરંતુ પાકિસ્તાનના ડિફેન્સે 3 શાનદાર ડિફેન્સ કર્યા હતા.