નવી દિલ્હી: કેન્દ્ર સરકારની પીએમ જન-ધન યોજનાને 7 વર્ષ પૂર્ણ થયા છે. આ યોજના હેઠળ ખોલવામાં આવેલા ખાતાંની સંખ્યા થોડા વર્ષોમાં ત્રણ ગણી થઈ ગઈ છે. ડિપાર્ટમેન્ટ ઓફ ફાઇનાન્શિયલ સર્વિસિસે ટ્વીટ કરીને આ વિશે માહિતી આપી છે. ટ્વીટમાં લખ્યું છે કે પીએમ જન-ધન યોજનાના ખાતામાં ત્રણ ગણો વધારો થયો છે. આપને જણાવી દઈએ કે માર્ચ 2015માં જન-ધન ખાતાઓની સંખ્યા 14.72 કરોડથી વધીને અત્યારસુધીમાં 43 કરોડ થઈ ચૂકી છે.
વિશ્વની આ સૌથી મોટી નાણાકીય સમાવેશની પહેલથી ગરીબ લોકો માટે બેંકોના દરવાજા ખુલી ગયા છે અને તેમને જન-ધન ખાતાની પાસબુક અને રુપે કાર્ડ મળ્યા છે. આ યોજના હેઠળ ખાતું ખોલ્યા પછી દરેકને સસ્તો વીમો, પેન્શન અને અન્ય નાણાકીય ઉત્પાદનોની સુવિધા આપવામાં આવે છે.જન-ધન ખાતા ધારકોને 2.30 લાખ રૂપિયાનો લાભ આપવામાં આવે છે. જન-ધન ખાતા ધારકોને કોઈપણ બેંકમાં ખાતું ખોલાવવા પર અકસ્માત વીમા કવચ આપવામાં આવે છે. ખાતાધારકોને 1,00,000 રૂપિયાનો અકસ્માત વીમો અને 30,000 રૂપિયાનો સામાન્ય વીમો આપવામાં આવે છે. જો ખાતાધારકનું અકસ્માતમાં મૃત્યુ થાય છે, તો તેને 2 લાખ રૂપિયા આપવામાં આવે છે.
જન-ધન ખાતું ખોલવા માટે KYC હેઠળ દસ્તાવેજની ચકાસણી કરવામાં આવે છે. આ દસ્તાવેજોનો ઉપયોગ કરીને જન-ધન ખાતું ખોલાવી શકાય છે: આધાર કાર્ડ, પાન કાર્ડ, ડ્રાઇવિંગ લાઇસન્સ, મતદાર આઈડી કાર્ડ, પાસપોર્ટ, મનરેગા જોબ કાર્ડ.?