spot_img

Delhi: કેજરીવાલના મંત્રી સત્યેન્દ્ર જૈનની મુશ્કેલીમાં વધારો, નજીકના વ્યક્તિના ઘરમાંથી 2.83 કરોડ રોકડા અને 133 સોનાના સિક્કા મળ્યા

દિલ્હી સરકારમાં મંત્રી સત્યેન્દ્ર જૈનની મુશ્કેલીમાં વધારો થતો જોવા મળી રહ્યો છે. માહિતી અનુસાર, એન્ફોર્સમેન્ટ ડિરેક્ટોરેટ (ED) એ જૈનના નજીકના મિત્રના ઘરેથી 2.82 કરોડ રૂપિયા રોકડા અને મોટી માત્રામાં સોનું રિકવર કર્યું છે. કહેવામાં આવી રહ્યું છે કે દરોડામાં મોટી રકમની સાથે સોનાના બિસ્કિટ અને 133 સોનાના સિક્કા પણ મળી આવ્યા છે.

એન્ફોર્સમેન્ટ ડિરેક્ટોરેટ એટલે કે EDની ટીમો મની લોન્ડરિંગ કેસમાં ધરપકડ કરાયેલા સત્યેન્દ્ર જૈનના ઘણા સ્થળો પર દરોડા પાડી રહી છે. ED દિલ્હી સરકારના આરોગ્ય પ્રધાન સત્યેન્દ્ર જૈનની સાથે હવાલા ઓપરેટરોના સ્થાનો પર દરોડા પાડી રહી છે. આ દરોડામાં આગલા દિવસે જૈનના નજીકના મિત્રના ઘરેથી લગભગ ત્રણ કરોડ રોકડ મળી આવી હતી.

ઉલ્લેખનીય છે કે, ઈડીએ મની લોન્ડરિંગ કેસમાં 30 મેના રોજ સત્યેન્દ્ર જૈનની ધરપકડ કરી હતી. ધરપકડ બાદ સત્યેન્દ્ર જૈનને કોર્ટમાં રજૂ કરવામાં આવ્યો હતો. જૈન 9 જૂન સુધી EDની કસ્ટડીમાં રહેશે.

EDના દરોડામાં રોકડ મળી

આ મામલે દિલ્હીના સીએમ અરવિંદ કેજરીવાલે ટ્વીટ કરીને પીએમ મોદી પર નિશાન સાધ્યું છે. તેમણે કહ્યું કે આ સમયે વડાપ્રધાન સંપૂર્ણ તાકાત સાથે આમ આદમી પાર્ટી – ખાસ કરીને દિલ્હી અને પંજાબની સરકારોની પાછળ છે. અસત્ય પર અસત્ય, અસત્ય પર અસત્ય. તમારી પાસે બધી એજન્સીઓની શક્તિ છે, પરંતુ ભગવાન અમારી સાથે છે.

મની લોન્ડરિંગ કેસમાં જૈનની ધરપકડ

મની લોન્ડરિંગના આરોપમાં એન્ફોર્સમેન્ટ ડિરેક્ટોરેટ (ED) દ્વારા ધરપકડ કરાયેલા અરવિંદ કેજરીવાલના મંત્રી સત્યેન્દ્ર જૈને કથિત રીતે 16 કરોડ રૂપિયાથી વધુની લોન્ડરિંગ કરી છે. તેમના પરિવારની સાથે જૈન પરિવારના અન્ય બે સભ્યો પણ આ મોટા ષડયંત્રનો ભાગ હોવાના કારણે EDના સ્કેનર હેઠળ છે.

સેન્ટ્રલ બ્યુરો ઑફ ઇન્વેસ્ટિગેશન (CBI) અને એન્ફોર્સમેન્ટ ડિરેક્ટોરેટ (ED) એ સત્યેન્દ્ર જૈન પર તપાસ એજન્સીઓને ગેરમાર્ગે દોરવા માટે તેમની બે પુત્રીઓ સહિત તેમના પરિવારના સભ્યોનો ઉપયોગ કરવાનો આરોપ મૂક્યો છે. રિપોર્ટમાં કહેવામાં આવ્યું છે કે સત્યેન્દ્ર કુમાર જૈન, તેમના પરિવાર અને મિત્રોનો દિલ્હીમાં ચાર કંપનીઓમાં નિયંત્રણ અને હિસ્સો હતો. દિલ્હી સરકારનો ભાગ બનતા પહેલા જૈન ચારમાંથી ત્રણ ફર્મના ડિરેક્ટરોમાંના એક હતા.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles