spot_img

Udaipur Killing: કોર્ટમાં રજૂ કરતા સમયે કન્હૈયાલાલના હત્યારાઓ સાથે લોકોએ કરી મારપીટ

રાજસ્થાનના ઉદયપુરમાં દરજી કન્હૈયાલાલની હત્યા સાથે સંકળાયેલા ચાર આરોપીઓને આજે સુરક્ષા વ્યવસ્થા વચ્ચે NIA કોર્ટમાં રજૂ કરવામાં આવ્યા હતા. કોર્ટમાં હાજરી દરમિયાન રોષે ભરાયેલા લોકોએ આરોપીઓ પર હુમલો કર્યો હતો. કોર્ટે આ ચારેય આરોપીઓને 12 જુલાઈ સુધી NIA કસ્ટડીમાં મોકલી દીધા છે. આ પહેલા ઉદયપુરની એક કોર્ટે શુક્રવારે બે આરોપીઓને એક દિવસના ટ્રાન્ઝિટ રિમાન્ડ પર મોકલ્યા હતા.

કોર્ટમાં રજૂ કરતા સમયે આરોપીઓ પર હુમલો

જયપુરની NIA કોર્ટમાં રજૂ કરતા સમયે આરોપીઓ પર હુમલો કરવામાં આવ્યો છે. ભારે સુરક્ષા વ્યવસ્થા વચ્ચે તેને કોર્ટમાં રજૂ કરવામાં આવ્યો હતો. પરંતુ તેમ છતાં આરોપીને લોકોના રોષનો સામનો કરવો પડ્યો હતો. શરૂઆતમાં લગભગ 5 કલાક સુધી સતત સૂત્રોચ્ચાર થયા હતા. જ્યારે વકીલ ફાંસીની માંગ સાથે કોર્ટમાં દાખલ થયો ત્યારે કોર્ટનો દરવાજો બંધ કરવો પડ્યો હતો, પરંતુ જ્યારે આરોપીઓ કોર્ટમાંથી બહાર આવ્યા ત્યારે લોકોએ આરોપીઓ સાથે મારપીટ કરી હતી.

આરોપીઓની મારપીટનો વીડિયો પણ સામે આવ્યો છે. આમાં જોવા મળે છે કે જ્યારે તે પોલીસના વાહનોમાં બેસી રહ્યા હોય છે ત્યારે લોકોએ પોલીસની સુરક્ષા વચ્ચે તેને માર માર્યો હતો. જ્યારે એક આરોપીની ગરદન પકડીને તેને પાછળથી થપ્પડ મારતા લોકોને જોઇ શકાય છે. જોકે, એક પછી એક પોલીસે તે ચાર આરોપીઓને કારમાં બેસાડી દીધા હતા.

પોલીસે બે આરોપીઓની ધરપકડ કરી હતી

ઉદયપુરની ઘટનામાં વધુ બે આરોપી મોહસીન અને આસિફની બાદમાં ધરપકડ કરવામાં આવી હતી. આ બે મુખ્ય આરોપીઓ ગૌસ અને રિયાઝ સાથે મળીને ષડયંત્ર અને ગુનામાં સામેલ હતા. ઘટનાના દિવસે બે આરોપીઓ બાઇક પાસે  હાજર હતા જેથી જો તેઓ પકડાય તો ટોળામાંથી તેઓને બચાવી શકાય. જો કન્હૈયા લાલ દુકાન નહીં ખોલે તો કન્હૈયા લાલ ઘરમાં ઘુસીને મારી નાખવાની યોજના આરોપીઓએ ઘડી હતી.

કેસ NIAને ટ્રાન્સફર

કન્હૈયાલાલ હત્યાના બંને આરોપીઓને અજમેર હાઈ સિક્યોરિટી જેલમાં રાખવામાં આવ્યા છે. શુક્રવારે બંને આરોપીઓને ઉદયપુર કોર્ટમાં રજૂ કરવામાં આવ્યા હતા, ત્યારબાદ કોર્ટે બંને આરોપીઓને એક દિવસના ટ્રાન્ઝિટ રિમાન્ડ પર મોકલી દીધા હતા. આ સાથે ઉદયપુરની  કોર્ટે શુક્રવારે કન્હૈયાલાલ કેસ NIAને ટ્રાન્સફર કરી દીધો છે.

કન્હૈયાલાલની દુકાનમાં ઘૂસીને હત્યા કરવામાં આવી હતી

28 જૂને ઉદયપુરમાં ટેલર કન્હૈયાલાલનું ગળું કાપીને હત્યા કરવામાં આવી હતી. આ ઘટના બાદ રાજસ્થાનમાં વિવિધ સ્થળોએ હંગામો શરૂ થયો હતો. તે જ દિવસે સાંજ સુધીમાં બે આરોપીઓ પોલીસના હાથે ઝડપાઈ ગયા હતા. કન્હૈયાલાલે નૂપુર શર્માના સમર્થનમાં પોસ્ટ કરી હતી. જેના કારણે રિયાઝ અને ગૌસ મોહમ્મદે તેની હત્યા કરી હતી. આ ઘટનાની તપાસ માટે રાજસ્થાન સરકાર દ્વારા SITની રચના કરવામાં આવી હતી. બાદમાં કોર્ટે આ કેસ NIAને સોંપી દીધો હતો.

Related Articles

LEAVE A REPLY

Please enter your comment!
Please enter your name here

Stay Connected

528FansLike
476FollowersFollow
360FollowersFollow

Latest Articles